അവസാന യാത്രയ്ക്കുമുമ്പ്

ഇവിടെ ഇനി ഒരു ദിനം കൂടി...

തിരിഞ്ഞൊരോട്ടം കൊടുത്തു...

വലിഞ്ഞൊരു നോട്ടം നോക്കി...

ഉറക്കം ഒഴിച്ചിരുന്നു.

ബാക്കി എന്തെന്ന് ഓര്‍ത്തെടുത്തു...

വാക്കുകളുടെ കുടം കമിഴ്ന്നു...

പ്രണയത്തിന്റെ സുഖമറിഞ്ഞു...

നിലാവിന്റെ നിറമണിഞ്ഞു...

നിഴലുകള്‍ കഥപറഞ്ഞു..

ജീവന്റെ വിലയറിഞ്ഞു...

പരിഭവമില്ലാതെ പരാതിയില്ലാതെ-

കലഹമില്ലാതെ കല്പനകളില്ലാതെ-

അകലെ നോക്കാതെ, അരികെ ആവാതെ-

ഇവിടെ അല്ലാതെ, അവിടെ ഇല്ലാതെ-

വരവ് നോക്കാതെ, ചിലവ് കാണാതെ-

ബുദ്ധിയില്ലാതെ വികാരമുണരാതെ-

ആരോടും പറയാതെ ആരെയും വിളിക്കാതെ-

എല്ലാം അറിഞ്ഞ് എല്ലാം വെടിഞ്ഞ്-

ഇവിടെ ഇനി ഒരു ദിനം കൂടി....!